PH
Ing pH sukad ne ning panga-asidu (kaslam) o panga-alkaline ning metung a solusiun. Deng solusiun king danum o aqueous solutions king pali o temperaturang 25 °C a maki pH a kulang king pitu (7.0) tuturing da lang asidu, kabang alkaline o basic no man detang maki pH a maigit king pitu. Nung saktu yang 7.0 ing kayang pH, tuturing deng 'neutral' king temperaturang 25 °C uling king temperaturang ita, pante ya ing bilang da reng H3O+ karetang OH− king purung danum. Magdependi ya ing pH king aktibidad da reng hydronium ion (H3O+),[1] dapot kareng maina (o dilute) a solusiun, malyari yang gamitan ing molarity ning H3O+ a e midadayu ketang ustung kuenta [2] Ing (H+ pane deng gagamitan a katumbas ning H3O+.) Uling magdependi ya ing pH king aktibidad da reng ion, metung a kaurian (property) a e malaguang sukdan o karkulan ibat king teoria (theoretically), masakit yang pakibaluan ing eksaktung sukad ning pH ning metung a solusiun. keraklan, makukua ya ing sukad ning metung a solusiun kapamilata'ning pamiyanti (comparing) kareng solusiun a e ra pa balu pH karetang balu ra na pH, at ating mapilan a paralan bang marapat iti.
Ing minunang migpakilala king konseptu ning pH ya pin ing chemist ibat Denmark a i S. P. L. Sørensen king Carlsberg Laboratory[3] in 1909. Dakal la reng sasabian dang penibatan ning lagyung pH, kayabe no reng pondus hydrogenii, potentia hydrogenii (Latin),[4] potentiel hydrogène (French), ampong potential of hydrogen (English).[5]
Measurement
| Sangkap | pH |
|---|---|
| Hydrochloric acid, 10M | |
| Batiriang lead-acid | |
| Asidu ning dungus | |
| Katas ning limun | |
| Cola | |
| Aslam | |
| Katas ning dalandan o mansanas | |
| Katas ning kamatis | |
| beer | |
| Uran a asidu (acid rain) | |
| Kape | |
| Tsa or healthy skin | |
| Imi | |
| Gatas | |
| Purung danum | |
| Wawa ning tau | |
| Daya | |
| Dayatmalat | |
| Sabun a mabanglu | |
| Ammonia | |
| Clorox | |
| Sosa |
Deng likidu ning katawan
| Fluid | pH |
|---|---|
| asidu ning dungus | 0.7 |
| lysosome | 5.5 |
| granule ning chromaffin cell | 5.5 |
| Neutral H2O at 37 °C | 6.81 |
| cytosol | 7.2 |
| CSF | 7.3 |
| arterial plasma ning daya | 7.4 |
| mitochondrial matrix | 7.5 |
| exocrine secretions ning kundilat | 8.1 |
Magdependi ing pH da reng miyayaliwang likidu ning katawan ketang gamit da reti at aliwa pang bage. Keraklan, masipit o maigpit ing pamagkontrol kaniti bang panatilian ing w:acid-base homeostasis o pangabalansi da reng asidu ampong alkali base.
Lon la murin deti
Pikuanan
- ↑ HORIBA : The story of pH
- ↑ pH Facts. Archived from the original on 2007-02-26. Retrieved on 2008-03-19.
- ↑ Carlsberg Research Centre history page, http://www.crc.dk/history.shtml Archived Pebreru 28, 2008 at the Wayback Machine
- ↑ Re: What does pH stand for and who invented it? Can you help me?
- ↑ pH study guide
- ↑ Unless else specified in table: Walter F., PhD. Boron. Medical Physiology: A Cellular And Molecular Approach. Elsevier/Saunders. ISBN 1-4160-2328-3. Page 634
Suglung palual
- Some Ka values
- Definition of pH Archived Setyembri 27, 2007 at the Wayback Machine IUPAC Gold Book
- The Measurement of pH - Definition, Standards and Procedures – Report of the Working Party on pH, IUPAC Provisional Recommendation (a proposal to revise the current IUPAC 1985 and ISO 31-8 definition of pH described above)
- pH value - Universal indicator software